GÜN ƏRZİNDƏ 35 CİNAYƏT FAKTI QEYDƏ ALINMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, mayın 4-də respublika ərazisində qeydə alınan 35 cinayət hadisəsindən 24-nün üstü isti izlərlə, həmçinin ötən günlərdən bağlı qalmış 1 cinayətin üstü açılmışdır.
Cinayət Məcəlləsinin müxtəlif maddələri ilə axtarışda olan 1 nəfər keçirilmiş əməliyyat nəticəsində tutularaq istintaq orqanlarına təhvil verilmişdir.
Daxili işlər orqanları əməkdaşları narkotiklərlə əlaqədar 21, qanunsuz saxlanılan silah-sursatla bağlı 4 fakt müəyyən etmiş, müxtəlif növ cinayət törətdiklərinə görə 29 nəfəri tutmuşlar.
Gün ərzində 3 yol-nəqliyyat qəzası baş vermiş, 1 yanğın qeydə alınmışdır.
Bölmənin digər xəbərləri
