GÜRCÜSTAN ABŞ-IN PARLAMENT SEÇKİLƏRİ BARƏDƏ TƏKLİFİNİ BƏYƏNİR
Gürcüstan Prezidenti Eduard Şevardnadze milli radioya müsahibəsində bildirmişdir ki, o, ölkədə bu il noyabrın 2-də parlament seçkilərinin keçirilməsinin ABŞ-ın sabiq dövlət katibi Ceyms Beyker tərəfindən hazırlanmış və təklif edilmiş əsas prinsiplərini bəyənmişdir. AZƏRTAC-ın xüsusi müxbiri xəbər verir ki, E.Şevardnadzenin fikrincə, Beykerin parlament seçkilərinin keçirilməsinə dair hazırladığı təkliflər və sxem “Gürcüstanın daxili işlərinə qarışmaq demək deyildir”. Gürcüstan Prezidenti demişdir: “ABŞ ölkəmizdə demokratik proseslərin dərinləşməsini istəyir və qarşıdakı seçkilərə, onların nəticələrinə maraq göstərdiyini gizlətmir”.
Bölmənin digər xəbərləri
