GÜRCÜSTAN AZƏRBAYCANA ELEKTRİK ENERJİSİ TƏKLİF EDİR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Gürcüstanda müşahidə olunan elektrik enerjisi bolluğu bu enerjini qonşu dövlətlərə, xüsusilə də Azərbaycana və Türkiyəyə ötürməyə sövq edir.
Gürcüstan bu iki ölkənin hər birinə gündə 1,5 milyon kilovat-saat elektrik enerjisi ötürməyə hazırdır. Gürcü ekspertləri hesab edirlər ki, bu dövlətlərlə enerji mübadiləsi gündəlik və mövsümlə əlaqədar aparıla bilər.
Gürcüstanın Azərbaycana təqribən 13 milyon kilovat-saat borcu vardır. Bu borcun qısa zamanda tam ödəniləcəyi gözlənilir.
Bölmənin digər xəbərləri
