Gürcüstan Prezidenti Avropa ölkələrinə yeni səfərə hazırlaşır
Tbilisi, 12 aprel, AZƏRTAC
Gürcüstan Prezidenti Salmome Zurabişvili Avropa ölkələrinə səfərə hazırlaşır.
AZƏRTAC xəbər verir ki, bu barədə Prezidentin mətbuat xidməti məlumat yayıb.
Məlumatda deyilir ki, Salome Zurabişvili mayın 7-8-də Polşaya gedəcək.
Sonra Gürcüstan dövlətinin başçısı Baltikyanı ölkələrə səfər edəcək. Gürcüstan Prezidenti mayın 14-15-də Latviyada, mayın 16-da Estoniyada səfərdə olacaq.
Məlumat üçün qeyd edək ki, Salome Zurabişvili 2018-ci il dekabrın 16-da prezident kimi səlahiyyətlərinin icrasına başladıqdan sonra Brüsseldə, Azərbaycanda, Litva, Fransa və Ermənistanda səfərdə olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
