GÜRCÜSTAN SÜLHMƏRAMLILARIN MANDATINI UZADIR
“Novosti” agentliyidən AZƏRTAC-a daxil olmuş xəbərdə deyilir ki, Gürcüstan dost dövlətlərin təkidli tövsiyələrinə əsasən abxaz münaqişəsi zonasındakı MDB sülhməramlı qüvvələrinin mandatını uzatmağı qərara almışdır. Bunu Gürcüstanın xarici işlər naziri İrakli Menağarişvili Tbilisidə keçirilən mətbuat konfransında açıqlamışdır.
O bildirmişdir ki, dost ölkələr dünyada ümumi vəziyyəti, habelə gürcü-abxaz münaqişəsinin nizama salınmasının gözlənilən perspektivlərini nəzərə alaraq, sülhməramlıların mandatını uzatmağı tövsiyə etmişlər. Söhbət Gürcüstana dost olan dövlətlərin nəzərdə tutulan Cenevrə görüşündən gedir. Gözlənildiyinə görə, bu görüşdə münaqişənin tənzimlənməsi ilə bağlı məsələlər, habelə dost dövlətlərin planlaşdırdıqları digər tədbirlər müzakirə ediləcəkdir.
Bölmənin digər xəbərləri
