Gürcüstanda açıq havada qoruyucu maska taxmaq yenidən məcburi olacaq
Tbilisi, 9 avqust, AZƏRTAC
Avqustun 10-dan etibarən Gürcüstanda 5 nəfərdən çox adamın toplaşacağı açıq havada qoruyucu maska taxmaq məcburi olacaq.
AZƏRTAC xəbər verir ki, bununla bağlı Gürcüstanın Dövlət Qurumlararası Koordinasiya Şurası qərar qəbul edib.
Bildirilib ki, ölkədə son zamanlar epidemioloji vəziyyət daha da kəskinləşib. Maskadan məcburi istifadə barədə qərar da məhz bu səbəbdən qəbul olunub.
Qeyd edək ki, Gürcüstanda açıq havada maskadan istifadə tələbi iyunun 22-dən ləğv olunub. Qapalı məkanda fərdi qoruyucu vasitədən istifadə qaydası isə qüvvədədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
