Gürcüstanda işsizlik səviyyəsi 22 faizə çatıb
Tbilisi, 20 may, AZƏRTAC
Cari ilin birinci rübündə Gürcüstanda işsizlik səviyyəsi illik müqayisədə 3,7 faiz bəndi artaraq 21,9 faiz təşkil edib.
AZƏRTAC xəbər verir ki, bu barədə ölkənin Milli Statistika İdarəsindən məlumat verilib.
Bildirilib ki, hesabat dövründə şəhərlərdə işsizlik göstəricisi 5,7 faiz bəndi artaraq 23,6 faiz, kənd yerlərində isə 0,4 faiz bəndi artaraq 19,3 faizə bərabər olub.
İşsizlik kişilər arasında bu göstərici 24,1 faiz (+3,3 faiz), qadınlar arasında isə 19,2 faiz (+4 faiz) olub.
Qeyd edək ki, keçən il Gürcüstanda işsizlik səviyyəsi 2019-cu illə müqayisədə 0,9 faiz artaraq 18,5 faiz təşkil edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
