Gürcüstanda koronavirusa yoluxma halları yenidən artıb
Tbilisi, 26 oktyabr, AZƏRTAC
Gürcüstanda koronavirusa yoluxma halları yenidən kəskin artıb. Son sutkada ölkədə daha 4762 nəfər koronavirusa yoluxub, 3 953 nəfər müalicə olunaraq sağalıb, 43 pasiyent isə pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat yerləşdirilib.
Bildirilir ki, ölkədə COVID-19 infeksiyasına yoluxanların ümumi sayı 698 944-ə, sağalanların sayı 639 564-ə, ölənlərin sayı isə 9 831-ə çatıb. Məlumatda qeyd olunur ki, hazırda ölkədə 49 523 nəfər aktiv koronavirus xəstəsi var.
Qeyd edək ki, Gürcüstanda bu günədək 1 955 943 nəfər koronavirusa qarşı vaksinasiya olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
