Gürcüstanın Baş naziri Türkiyəyə rəsmi səfərə gedib
Tbilisi, 16 may, AZƏRTAC
Gürcüstanın Baş naziri İrakli Kobaxidze mayın 16-da Türkiyəyə rəsmi səfərə gedib.
AZƏRTAC xəbər verir ki, bu barədə Gürcüstan Hökumətinin administrasiyası məlumat yayıb.
Bildirilib ki, İrakli Kobaxidze Türkiyə Prezidenti Rəcəb Tayyib Ərdoğanla təkbətək və geniş tərkibdə görüşəcək, birgə mətbuat konfransı keçiriləcək.
Nümayəndə heyətinə Baş nazirin birinci müavini, iqtisadiyyat və davamlı inkişaf naziri Levan Davitaşvili, müdafiə naziri İrakli Çikovani, xarici işlər naziri İlya Darçiaşvili, təhsil naziri Giorgi Amilaxvari, Acarıstan hökumətinin başçısı Tornike Rijvadze və digər rəsmi şəxslər daxildirlər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
