GÜRCÜSTANIN TELAVİ RAYONUNDA ƏSGƏRLƏRLƏ POLİS ARASINDA ATIŞMA OLUB
AZƏRTAC-ın xüsusi müxbiri xəbər verir ki, aprelin 27-də Gürcüstanın Telavi rayonunda ABŞ-ın “Təlimat və təchizat” proqramının yetirmələri olan “Komandos” batalyonunun əsgərləri ilə yerli polis arasında silahlı toqquşma baş vermişdir. Rayon polis idarəsindən verilən məlumata görə, bir neçə əsgər sərxoş vəziyyətdə yerli əhali ilə dalaşmış, polis işə qarışıb onları tutmuşdur.
“Komandosun” digər üzvləri yoldaşlarının azadlığa buraxılması üçün polisə hücum etmiş, atışma baş vermişdir. Hər iki tərəfdən zərər çəkən var, tələfat yoxdur.
Bölmənin digər xəbərləri
