Gürcüstanlı oxuculara erməni vandalizmi barədə geniş məlumat verilmişdir
Tbilisi, 26 fevral (AZƏRTAC). Gürcüstanın ən qədim və nüfuzlu qəzetlərindən olan “Sakartvelos Respublika” (“Gürcüstan Respublikası”) qəzetinin 26 fevral tarixli nömrəsində “Xocalı faciəsi” sərlövhəli yazı dərc olunmuşdur.
Azərbaycan Respublikasının Gürcüstandakı səfirliyinin təqdim etdiyi material əsasında dərc olunmuş geniş məqalədə gürcü oxucusuna Xocalıda baş vermiş hadisələr, erməni vandalizmi barədə geniş məlumat verilmişdir.
Yazıda, həmçinin qeyd olunmuşdur ki, ermənilərin Azərbaycan xalqına qarşı cinayətlərinə dövlət səviyyəsində ilk dəfə Ulu Öndər Heydər Əliyev tərəfindən qiymət verilmişdir. Məqalə insanı dəhşətə gətirən fotoşəkillərlə müşayiət olunmuşdur. Burada gürcü və Azərbaycan dillərində “Xocalıya ədalət!” plakatı da yer almışdır.
İslam Əliyev
AZƏRTAC-ın xüsusi müxbiri
Tbilisi
Bölmənin digər xəbərləri
