Hacıqabul-Kürdəmir avtomobil yolunda 5 yol qovşağının tikintisi başa çatdırılmışdır
Bakı, 31 oktyabr (AZƏRTAC). Bakıdan Gürcüstan sərhədinə qədər uzanan avtomobil yolunun tərkib hissəsi olmaqla Hacıqabul və Kürdəmir rayonları ərazisindən keçən yolun ümumi uzunluğu 80 kilometr təşkil edir.
“Azəryolservis” ASC-nin mətbuat xidmətindən AZƏRTAC-a bildirmişlər ki, layihə üzrə 5 yol qovşağının, 1 körpünün, yeraltı keçidlərin və yaşayış məntəqələrindən keçən ərazilərdə yerli yolların tikintisi nəzərdə tutulur.
Tikinti işləri çərçivəsində 1 körpü və yanaşma yolları istisna olmaqla 5 yol qovşağının tikintisi artıq başa çatdırılmışdır. Nəzərdə tutulan 196 suötürücü qurğusundan 160-ı tikilmiş, torpaq işlərinin 94 faizi, asfalt işlərinin isə 75 faizi yerinə yetirilmişdir.
Hazırda tikinti işləri davam etdirilir.
Bölmənin digər xəbərləri
