Hande Harmancı: Azərbaycan pandemiyaya qarşı yüksək səviyyədə mübarizə aparan ölkələrdəndir
Bakı, 1 may, AZƏRTAC
Azərbaycan pandemiyaya qarşı yüksək səviyyədə mübarizə aparan ölkələrdəndir.
AZƏRTAC xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı bu gün keçirdiyi onlayn mətbuat konfransında deyib.
H.Harmancı bildirib ki, Ümumdünya Səhiyyə Təşkilatının Baş direktoru Tedros Adhanom Qebreyesus Azərbaycanın koronavirus pandemiyasına qarşı mübarizəyə verdiyi qlobal töhfəni yüksək qiymətləndirib.
Xatırladaq ki, keçirdiyi mətbuat konfransında doktor Qebreyesus Azərbaycanın koronavirus pandemiyasına qarşı həm qlobal, həm də regional mübarizəyə töhfəsindən danışıb. “Mən Azərbaycan Prezidentinin milli, regional və qlobal səviyyədə bu mübarizədə güclü səylərini görürəm. İmkandan istifadə edərək cənab Prezidentə təşəkkürümü bildirmək istəyirəm ki, bütün bu üç səviyyədə səyləri birləşdirir, dəstək verir”, - deyə Tedros Adhanom Qebreyesus bildirib.
Bölmənin digər xəbərləri
