Havada toz dumanı müşahidə olunur
Bakı, 20 iyun, AZƏRTAC
Milli Hidrometeorologiya Xidmətinin məlumatına görə, bu gün səhər saatlarından başlayaraq Bakı və Abşeron yarımadasında cənub-şərq istiqamətli hava kütlələri vasitəsilə ölkəmizə daxil olan toz dumanı müşahidə olunur.
Xidmətdən AZƏRTAC-a verilən xəbərə görə, peyk görüntülərinə əsasən demək olar ki, havada müşahidə olunan toz hissəcikləri transsərhəd xarakter daşıyır.
Hazırda Bakı şəhərində havada tozun miqdarı normadan 1.9 dəfə çoxdur.
Belə tozlu havanın meteoroloji şəraitdən asılı olaraq yaxın iki gün ərzində davam edəcəyi proqnozlaşdırılır.
Bölmənin digər xəbərləri
