HƏR ÜÇ RUSİYALIDAN BİRİ RÜŞVƏT VERİR
Paytaxtda rəyi soruşulmuş hər iki moskvalıdan biri etiraf etmişdir ki, müəyyən xidmətlərə görə müəyyən məbləğdə rüşvət vermişdir. Ən az rüşvət Sibirdə verilir. Levada ekspertlərinin məlumatına görə, sibirlilərin 83 faizi qanun qarşısında bu baxımdan təmizdir.
Uralda sakinlərin 72 faizi, paytaxta daha yaxın olan Volqaboyu region sakinlərinin 68 faizi, Mərkəzi federal dairəsində vətəndaşların 57 faizi rüşvət vermir.
Rüşvətin orta məbləği 5 min, maksimum məbləği isə 75 min rubldur. Lakin 20 rubl məbləğində də rüşvət olur.
Respondentlər bildirmişlər ki, rüşvət verməyin ən geniş yayılmış səbəblərindən biri problemin həlli prosesini sürətləndirməkdir. Lakin “İndem” tədqiqat fondunda hesab edirlər ki, indiki korrupsiyanın əsası hələ sovet dövründə qoyulmuşdur. Çünki sovet dövründə korrupsiya taməhatəli sistem idi.
Bölmənin digər xəbərləri
