Hesablama Palatası MDB ölkələrinin Ali Audit Qurumlarının seminarında təmsil olunub
Bakı, 21 may, AZƏRTAC
Hesablama Palatasının nümayəndələri “Layihələrin idarəetməsində tətbiq olunan “Jira” platformasının istifadəsi” mövzusunda Rusiya Hesablama Palatasının təşəbbüsü ilə videokonfrans formatında keçirilmiş seminarda iştirak ediblər.
Palatanın mətbuat xidmətindən AZƏRTAC-a bildirilib ki, MDB-yə üzv olan dövlətlərin Ali Audit Qurumlarının (AAQ) Rəhbərlər Şurasının təşəbbüsü ilə təcrübə mübadiləsi çərçivəsində təşkil olunmuş seminara MDB ölkələrinin Ali Audit Qurumların nümayəndələri ilə yanaşı, Belarus Respublikasının Dövlət Nəzarəti Komitəsinin, eləcə də Rusiya Federasiyası subyektlərinin nəzarət hesabat qurumlarının nümayəndələri də qatılıb.
Rusiya Hesablama Palatasının beynəlxalq və regional əməkdaşlıq departamentinin direktoru Timur Maxmutov, adıçəkilən qurumun maliyyə auditi departamentinin direktor müavini Denis Strijeusov və təftiş müdirinin müavini Olqa Drobışeva mövzu üzrə təqdimat və məruzə ilə çıxış ediblər. Təqdimatlardan sonra mövzu ətrafında müzakirələr aparılıb.
Bölmənin digər xəbərləri
