HEYDƏR ƏLİYEV ADINA BAKI DƏRİN ÖZÜLLƏR ZAVODUNDA AUDİT KEÇİRİLMİŞDİR
AZƏRTAC xəbər verir ki, Heydər Əliyev adına Bakı dərin özüllər zavodunda audit keçirilmişdir.
Azərbaycan Respublikası Dövlət Neft Şirkətindən bildirmişlər ki, zavodda ötən ilin aprelindən İSO sistemlərinin tətbiqinə başlanılmışdır. Zavod “Russkiy Registr” Beynəlxalq Sertifikatlaşdırma Assosiasiyası tərəfindən İSO 9001-2001 keyfiyyət idarəetmə sistemi, İSO 14001:2004 ətraf mühit menecment sistemi, OHSAS 18001:1999 əməyin təhlükəsizliyi və peşə sağlamlığı menecment sistemi üzrə İQNET Beynəlxalq Sertifikatlaşdırma Şəbəkəsinə qeydiyyata alınmışdır.
Cari il aprelin 22-dən 25-dək isə Heydər Əliyev adına BDÖZ-də “Russkiy Registr” Beynəlxalq Sertifikatlaşdırma Assosiasiyası tərəfindən keçirilmiş auditə əsasən, inteqrə menecment sisteminin beynəlxalq standartlara, həmçinin İQNET Beynəlxalq Sertifikatlaşdırma Şəbəkəsi modelinə uyğun gəlməsi təsdiqlənmişdir. Beləliklə, ulu öndər Heydər Əliyevin 85 illik yubileyi ərəfəsində onun adını daşıyan zavod nəzarət auditindən müvəffəqiyyətlə keçmişdir.
Bölmənin digər xəbərləri
