Bakı, 21 sentyabr, AZƏRTAC

AMEA-nın Folklor İnstitutunun Elmi şurasının qərarı ilə filologiya üzrə fəlsəfə doktoru Tahir Paşazadənin “Heydər Əliyev və şifahi xalq yaradıcılığı” kitabı “Elm və təhsil” nəşriyyatında çapdan çıxıb.

İnstitutdan AZƏRTAC-a bildirilib ki, kitabda Ulu Öndər Heydər Əliyevin Azərbaycan milli humanitar fikrindəki yeri və rolu, xalq dastanlarımızdakı mənəvi dəyərlərin aktuallaşdırılması sahəsindəki fəaliyyəti, aşıq yaradıcılığının inkişafındakı rolu, Ulu Öndərin hikmətli deyimləri kimi məsələlərdən bəhs olunur.

Kitabın redaktoru filologiya üzrə fəlsəfə doktoru, dosent Ağaverdi Xəlilovdur.