HİDDİNK İTTİHAM HÖKMÜNDƏN ETİRAZ VERƏCƏK
AZƏRTAC “RİA Novosti”yə istinadla xəbər verir ki, Rusiya yığma futbol komandasının baş məşqçisi Quus Hiddinkin vəkilləri onu vergiləri ödəməməkdə təqsirli hesab etmiş, şərti olaraq altı ay müddətinə həbs cəzası və 45 min avro məbləğində cərimə kəsmiş Hollandiya məhkəməsinin qərarına etirazını bildirmişlər.
Hiddinkin vəkillərinin apellyasiya vermək niyyətində olduqlarını Rusiya Futbol İttifaqının prezidenti Vitali Mutko söyləmişdir.
Rusiya Federal Bədən Tərbiyəsi və İdman Agentliyinin başçısı Vyaçeslav Fetisov demişdir: “Ümidvaram ki, Hiddink yaxın vaxtlarda vəzifələrinin icrasına başlayacaqdır. Bu hay-küylü əhvalat məşqçinin ovqatına və komandada ab-havaya təsir göstərməməlidir”.
Xatırladaq ki, Hollandiya məhkəməsi Hiddinki Belçikanın Axel kəndini yaşayış yeri kimi göstərərək, 2002-2003-cü ildə vergiləri bu ölkənin xəzinəsinə ödəməkdə təqsirləndirmişdir. Halbuki 60 yaşlı mütəxəssis həmin dövrdə Hollandiyanın Eyndhoven şəhərində yaşayır və yerli PSV klubuna məşqçilik edirdi.
Bölmənin digər xəbərləri
