Hindistanda üç avtomobilin toqquşması nəticəsində 16 nəfər ölüb
Bakı, 27 avqust, AZƏRTAC
Hindistanda üç avtomobilin toqquşması nəticəsində azı 16 nəfər, o cümlədən üç uşaq həlak olub, beş nəfər isə müxtəlif dərəcəli xəsarətlər alıb.
AZƏRTAC “Times of India” qəzetinə istinadla xəbər verir ki, insident avqustun 27-də səhər saatlarında ölkənin şimalında yerləşən Uttar-Pradeş ştatının Şahcahanpur şəhəri rayonunda baş verib. Burada sürətlə hərəkət edən yük maşını iki avtomobilə çırpılıb və onlardan birinin üzərinə aşıb.
Avtomobil yollarında sıxlıq, yol örtüyünün vəziyyətinin pis olması və sürücülərin intizamsızlığı Hindistanda ciddi yol-nəqliyyat hadisələri ilə müşayiət olunur. Rəsmi məlumata əsasən, hər gün qəzalar nəticəsində ölkədə 400 nəfərə qədər, il ərzində isə təxminən 150 min insan həyatını itirir.
Bölmənin digər xəbərləri
