HİNDİSTANIN BİHAR ŞTATINDA DAŞQINLAR 574 NƏFƏRİN HƏYATINA SON QOYMUŞDUR
Rəsmi məlumatlara görə, bu il Biharda mövsümi musson yagışlarının törətdiyi daşqınlar nəticəsində 20 milyondan artıq adam bu və ya digər dərəcədə zərər çəkmişdir. İri çayların məcrasından çıxması nəticəsində 10 mindən artıq kəndi su basmışdır. Aclıq və yoluxucu xəstəliklər təhlükəsi ilə üzləşmiş adamlara kömək etmək üçün 900 qaçqın düşərgəsi salınmış və 500-ə yaxın tibb mərkəzi yaradılmışdır.
Ştatın hökuməti su basmış bölgələrin əhalisinə ərzaq, dava-dərman, çadır və pal-paltar göndərilməsini sürətləndirmək üçün nəqliyyatın işini bərpa etməyə çalışır.
