İcraçı direktor: Azərbaycanın qeyri-neft məhsulları üzrə ixracı 9,8 faiz artıb
Bakı, 29 yanvar, AZƏRTAC
Son 3 ildə qeyri-neft məhsullarının ixracı 82 faiz artıb.
AZƏRTAC xəbər verir ki, bu barədə AZPROMO-nun icraçı direktoru Yusif Abdullayev ötən ilin yekunları ilə bağlı keçirilən mətbuat konfransında deyib.
O bildirib ki, ötən il 110 ölkəyə qeyri-neft məhsullarının ixracı həyata keçirilib.
“Ötən il Azərbaycanın qeyri-neft məhsullarının ixracında rekord qeydə alınıb. Belə ki, 2023-cü ildə Azərbaycandan 3,348 milyard dollar dəyərində qeyri-neft məhsulları ixrac olunub ki, bu da 2022-ci illə müqayisədə 9,8 faiz çoxdur. Ən çox məhsul ixrac olunan ölkələr sırasında ilk yerdə Rusiya, ikinci yerdə Türkiyə, üçüncü yerdə isə Macarıstan qərarlaşıb”.
Bölmənin digər xəbərləri
