İdris İsayev: Ötən il peşə sahəsində 20 yeni ixtisas peşə təsnifatına daxil edilib
Bakı, 23 yanvar, AZƏRTAC
2018-ci ildə peşə sahəsində 20 yeni ixtisas peşə təsnifatına daxil olunub.
AZƏRTAC xəbər verir ki, bu sözləri təhsil nazirinin müavini İdris İsayev “Gənclərin məşğulluğu: işəgötürənlərin baxışı, çağırışlar və perspektivlər” mövzusunda konfransda deyib.
“Gənclərin məşğulluğu sahəsində problemlərin yaranmasına səbəb təhsil sistemi ilə əmək bazarı arasında uyğunsuzluğun olmasıdır. Bu gün peşə təhsili sistemində ciddi islahatlar həyata keçirilir. Bəzən əmək bazarında lazım olmayan sayda kadrların hazırlanması, onların hazırlıq səviyyəsinin isə işəgötürənlərin tələblərinə cavab verməməsi məşğulluqla bağlı problem yaradır. Təhsilin məzmununun işəgötürənlərin tələblərinə uyğunlaşdırılması, bu sahəyə investisiyaların cəlb edilməsi üçün də tədbirlər həyata keçirilir. Ötən il peşə sahəsində 20 yeni ixtisas peşə təsnifatına daxil edilib. Aparılan tədbirlər nəticəsində məzunlar əmək bazarında öz yerlərini tutmağa başlayıb. Turizm sahəsi üzrə məzunların 62,3 faizi, informasiya texnologiyaları üzrə 73 faizi, xidmət sahəsi üzrə isə 69 faizi işlə təmin olunub”, - deyə İ.İsayev əlavə edib.
Bölmənin digər xəbərləri
