İQTİSADİYYAT
İdxal və ixrac olunan məhsulların qiymət indeksi açıqlanıb
Bakı, 20 oktyabr, AZƏRTAC
Cari ilin avqust ayında idxal olunan məhsulların qiymət indeksi əvvəlki ayla müqayisədə 100,1 faiz, əvvəlki ilin müvafiq ayı ilə müqayisədə 122,7 faiz, 2022-ci ilin yanvar-avqust aylarında 2021-ci ilin yanvar-avqust aylarına nisbətən isə 121,9 faiz təşkil edib.
Dövlət Statistika Komitəsindən AZƏRTAC-a bildirilib ki, sentyabr ayında ölkəyə idxal edilmiş ərzaqlıq buğdanın 1 tonunun orta qiyməti 596,24 manat olub. 2022-ci ilin avqust ayında ixrac olunan məhsulların qiymət indeksi əvvəlki ayla müqayisədə 97,5 faiz, əvvəlki ilin müvafiq ayı ilə müqayisədə 176,6 faiz, 2022-ci ilin yanvar-avqust aylarında 2021-ci ilin eyni dövrünə nisbətən isə 178,2 faiz təşkil edib.