“İLİN BƏDİİ ƏSƏRİ” MÜKAFATI YAZIÇI KAMAL ABDULLAYA TƏQDİM OLUNMUŞDUR
Bu münasibətlə Bakı Slavyan Universitetinin mətbuat zalında keçirilən mərasimi “525-ci qəzet”in redaktoru, yazıçı Rəşad Məcid açaraq qeyd etmişdir ki, qəzetin təsis etdiyi bu mükafat ötən illərdə “Sarı gəlin” povestinə görə yazıçı Elçinə və “Ağ qoç-qara qoç” povestinə görə yazıçı Anara verilmişdir.
Tənqidçi-ədəbiyyatşünas Təyyar Salamoğlu çıxış edərək əsərin ölkəmizdə və onun hüdudlarından kənarda doğurduğu əks-sədadan və romanın bədii məziyyətlərindən danışmışdır.
“Yarımçıq əlyazma” barədə indiyədək mətbuat səhifələrində mülahizələrini bölüşmüş bütün qələm adamlarına təşəkkürünü bildirən yazıçı Kamal Abdulla demişdir ki, bu roman artıq Fransada və Rusiyada nəşr olunmuşdur, tezliklə Türkiyədə də işıq üzü gцrəcəkdir.
Qeyd edək ki, yaxın günlərdə Fransanın məşhur Şərq Mədəniyyətləri və Sivilizasiyaları Universitetində də (İNALKO) romanın təqdimat mərasimi keçiriləcəkdir. Bununla bağlı həmin universitetin rektoru müəllifi Fransaya dəvət etmişdir. May ayının ortalarında isə “Yarımçıq əlyazma”nın Moskvada təqdimatı olacaqdır.
Bölmənin digər xəbərləri
