İlin əvvəlindən Tərtərdə 278 daimi iş yeri açılıb
Tərtər, 13 aprel, AZƏRTAC
Regionların sosial-iqtisadi inkişafına göstərilən dövlət qayğısı, sahibkarlığın və aqrar sahənin inkişafı ölkəmizin hər yerində, o cümlədən cəbhə bölgəsində yerləşən Tərtər rayonunda əhalinin məşğulluğunun artmasına şərait yaradır.
Tərtər Rayon Statistika İdarəsindən AZƏRTAC-ın bölgə müxbirinə bildiriblər ki, 2019-cu ilin üç ayında rayonda 278-i daimi olmaqla, 728 yeni iş yeri yaradılıb. Daimi iş yerlərinin 1,4 faizi yeni yaradılmış müəssisə və təşkilatlarda, 19,1 faizi mövcud müəssisə və təşkilatlarda, 79,5 faizi isə fiziki şəxslər tərəfindən açılıb.
Rayonda aqrar sahənin inkişaf etdirilməsi əhalinin məşğulluğunun təmin olunmasında mühüm əhəmiyyət kəsb edir.
Bölmənin digər xəbərləri
