İlk dəfə səs verən gənc: Son dərəcə qürurluyam
Sumqayıt, 7 fevral, Ətrabə Rzayeva, AZƏRTAC
Mən son dərəcə qürurluyam! İlk dəfə səsvermə hüququmdan istifadə edirəm, özü də belə tarixi gündə - prezident seçkilərində.
Bu sözləri AZƏRTAC-ın müxbirinə açıqlamasında Sumqayıtda ilk dəfə səs verən tələbə Ayxan Salamzadə söyləyib.
İnformasiya texnologiyaları fənni üzrə ali təhsil alan Ayxan seçkilərin yüksək səviyyədə təşkil edildiyini, insanların bayram ovqatında məntəqəyə gəldiyini deyib: “Hamı məni təbrik edir. Bilirsiniz, bu, ayrı bir hissdir. Bu dəfə səsvermə ölkəmizin bütün ərazisində keçirilir. Torpaqlarımız azaddır! Mən əminəm ki, Prezidentimiz dövlətimizin maraqlarını, ölkəmizin inkişafını, xalqın rifahını təmin edərək daha işiqlı gələcəyə aparacaq”.
Bölmənin digər xəbərləri
