İmişlidə sənaye üzrə məhsul istehsalı və xidmətlər 34 faiz artıb
İmişli, 19 fevral, Aydın Yavərzadə, AZƏRTAC
2022-ci ildə İmişli rayonunda fəaliyyət göstərən sənaye müəssisələrində faktiki qiymətlərlə 499 milyon 827,8 min manatlıq məhsul istehsal və xidmətləri olunub. Bu, ötən ilin müvafiq dövrü ilə müqayisədə 126,0 milyon 718,8 min manat və ya 34,0 faiz çoxdur.
İmişli Rayon Statistika İdarəsindən AZƏRTAC-ın bölgə müxbirinə verilən məlumata görə, istehsal edilən sənaye məhsulunun 3,4 faizi dövlət, 96,6 faizi qeyri-dövlət sektorunun payına düşüb. İstehsal edilən sənaye məhsulunun 18,0 milyon 993,4 min manatı və ya 3,8 faizi mədənçıxarma sənayesi, 463,0 milyon 340,4 min manatı və ya 92,7 faizi emal sənayesi, 16,0 milyon 994,1 min manatı və ya 3,4 faizi elektrik enerjisi və qazın bölüşdürülməsi və təchizatı sənayesi və 499,9 min manat və ya 0,1 faizi isə su təchizatı; tullantıların təmizlənməsi və emalı sənayesi təşkil edib.
2022-ci ildə rayonda Sənaye müəssisələri tərəfindən 71,0 milyon 697,6 min manatlıq sənaye məhsulu ixrac olunub.
Bölmənin digər xəbərləri
