İngilis dili fənni üzrə test tapşırıqlarının elmi-metodik təhlili aparılmışdır
Bakı, 31 oktyabr (AZƏRTAC). İngilis dili fənni üzrə elmi-metodik seminar olmuşdur.
Tələbə Qəbulu üzrə Dövlət Komissiyasından AZƏRTAC-a bildirmişlər ki, müəllim və metodistlərin iştirak etdikləri seminarda 2013-cü ildə ali təhsil müəssisələrinə III ixtisas qrupu üzrə keçirilmiş qəbul imtahanında A variantlı sual kitabçasında istifadə olunmuş 51-60 nömrəli test tapşırıqlarının elmi-metodiki təhlili aparılmışdır.
TQDK-nın regional bölmələrində həmin bölgələri təmsil edən müəllimlər də videobağlantı vasitəsilə müzakirədə iştirak etmiş və öz fikirlərini açıqlamışlar.
Növbəti seminarda 2013-cü il qəbul imtahanlarında istifadə olunmuş test tapşırıqlarının elmi-metodiki təhlili davam etdiriləcəkdir.
Bölmənin digər xəbərləri
