“İngilis-rus-Azərbaycanca fizika terminləri” lüğəti nəşr olunmuşdur
Bakı, 13 may (AZƏRTAC). “Elm” Redaksiya, Nəşriyyat və Poliqrafiya Mərkəzində “İngilis-rus-Azərbaycanca fizika terminləri” lüğəti nəşr olunmuşdur.
Azərbaycan Milli Elmlər Akademiyasından AZƏRTAC-a bildirmişlər ki, lüğətdə göstərilən terminlər fizikanın, xüsusən müasir fizikanın müxtəlif sahələrini (akustika, atom fizikası, mexanika, nüvə fizikası, optika, elementar zərrəciklər fizikası, plazma fizikası, kvant mexanikası, nisbilik nəzəriyyəsi, bərk cisimlərin fizikası, spektroskopiya, statistik fizika, elektronika, termodinamika, qeyr-səlis fizika və nanofizika) əhatə edir.
Lüğətin müəllifləri akademik M.Əliyev, professorlar V.Salmanov və İ.Əliyevdir. Doqquz min söz ehtiyatına malik olan bu lüğət fizika elmi və tədrisi ilə məşğul olan elmi işçilər, tələbələr, müəllimlər, tərcüməçilər, elmi-texniki jurnalların və bülletenlərin redaktorları və mərkəzi kitabxanaların əməkdaşları üçün nəzərdə tutulmuşdur.
Bölmənin digər xəbərləri
