İNGİLTƏRƏDƏ ŞEKSPİR FESTİVALI AÇILMIŞDIR

27.04.2006 [18:47]
Çap et
A⁺ A^-

AZƏRTAC Bi-Bi-Si-yə istinadla xəbər verir ki, Stratford-Eyvonda indiyədək Uilyam Şekspirə həsr olunmuş ən böyük teatr festivalı açılmışdır. Məşhur Royal Shakespeare Company teatrının layihəsi olan festivala dünyanın müxtəlif ölkələrindən 32 teatr gələcəkdir.

Aprelin 23-də - dramaturqun doğum və ölüm günündə (1564-1616) açılan festival bir il davam edəcəkdir. Bu müddətdə tamaşaçılar Şekspirin 37 pyesinin hamısına baxacaqlar. Azı 10 tamaşa xarici dillərdə səslənəcəkdir. Məsələn, Stratfordda rejissor Deklan Donellanın “On ikinci gecə” tamaşasının truppası bütünlüklə milliyyətcə rus kişi aktyorlardan ibarət olacaqdır. Məşhur yapon rejissoru Yukio Niiqavanın quruluşunda “Tit Andronik” pyesi göstəriləcəkdir. Festivalın ən gözlənilməz qonağı nyuyorklu rejissor Dav Vaynşteynin “Hamlet - balaca nindzyalar” kukla tamaşasıdır.

Royal Shakespeare Company 37 pyesdən 23-nü öz qüvvələri ilə tamaşa qoyacaq, Şekspirin poema və sonetlərinin səhnələşdirilmiş deklamasiyalarını təşkil edəcəkdir.

İNGİLTƏRƏDƏ ŞEKSPİR FESTİVALI AÇILMIŞDIR

MÜƏLLİFLƏ ƏLAQƏ

Bölmənin digər xəbərləri