“İNSAN HÜQUQLARININ MÜDAFİƏSİ: PROBLEMLƏR VƏ PERSPEKTİVLƏR” MÖVZUSUNDA DƏYİRMİ MASA
Ombudsman Elmira Süleymanova ölkəmizin dünyaya inteqrasiya yolunu seçdiyini, demokratik inkişaf yolu ilə irəlilədiyini, sosial-iqtisadi və insan hüquqları sahəsində islahatların aparıldığını qeyd etmişdir. O, Azərbaycanın BMT-nin İnsan Hüquqları Şurasına ən uzun müddətə - üç il müddətinə üzv seçilməsini bu nüfuzlu qurumun demokratik dəyərlərə önəm verməsinin təzahürü kimi qiymətləndirmişdir.
Milli Məclisin insan hüquqları daimi komissiyasının sədri Rəbiyyət Aslanova insan hüquq və azadlıqları sahəsində qanunvericiliyin təkmilləşdirildiyini, beynəlxalq standartlara uyğunlaşdırıldığını vurğulamış, daimi komissiyanın fəaliyyəti barədə ətraflı məlumat vermişdir.
Tədbirdə çıxış edənlər insan hüquqları amili və müstəqil dövlətimizin yürütdüyü məqsədyönlü siyasət, insan hüquq və azadlıqlarının təmini sahəsində dövlət orqanlarının, QHT-lərin və vətəndaş cəmiyyətinin qarşısında duran vəzifələr, bu sahədə hüquqi maarifləndirmə və insan hüquqlarının tədrisi vəziyyəti barədə danışmış, müzakirə edilən məsələlərlə bağlı təkliflər irəli sürmüşlər.
Bölmənin digər xəbərləri
