AZƏRTAC-ın informasiya agentliklərindən aldığı xəbərdə deyilir ki, Macarıstanın Avropa Birliyinə daxil olmasına iki gün qalmış Budapeşt Şəhər Şurası “bütün zəmanələrin və xalqların rəhbəri” İosif Stalini Macarıstan paytaxtının fəxri vətəndaşı adından məhrum etmişdir.

Sovet rəhbərinə bu ad 1947-ci il noyabrın 7-də, Qızıl Ordu 1945-ci ilin fevralında Budapeşti faşistlərdən azad etdiyinə görə minnətdarlıq əlaməti olaraq verilmişdi.

Budapeşt Şəhər Şurasının nümayəndələri bildirmişlər ki, kommunizmin süqutundan sonra ötən bütün illər ərzində Stalin bu adı özündə ancaq hüquqi uyğunsuzluq ucbatından saxlamışdır.