Azərbaycan Dövlət İnformasiya Agentliyi

İQTİSADİYYAT

İPOTEKA KREDİTLƏŞMƏSİ SİSTEMİ GENİŞLƏNDİRİLİR

12.07.2006 [10:23]
Çap et
A⁺ A^-

AZƏRTAC xəbər verir ki, Azərbaycan İpoteka Fondunun (AİF) ipoteka kreditləşməsi sistemini təkmilləşdirmək və genişləndirmək istiqamətində bölgələrdə təşkil etdiyi növbəti görüş Naxçıvan Muxtar Respublikasında olmuşdur. AİF nümayəndələrinin, Milli Bankın Naxçıvandakı ərazi idarəsi rəhbərlərinin iştirak etdikləri tədbirdə yerli ictimaiyyəti maraqlandıran suallara cavab verilmişdir.

AİF-in icraçı direktoru F.Məmmədov respublikamızda ipoteka əməliyyatları keçirilməsi prinsipləri, şərtləri, üstünlükləri və ötən dövrdə əldə olunmuş nəticələr haqqında ətraflı məlumat vermişdir. Fond Naxçıvanda əhalinin ipoteka kreditinə artmaqda olan marağını nəzərə alaraq, muxtar respublika üzrə mətbuat xidməti yaratmışdır. Tezliklə burada AİF-in filialı da açılacaqdır.