İranın Xarici İşlər Nazirliyinin rəsmi nümayəndəsi Həmid Reza Asəfi demişdir ki, iqtisadi sanksiyalar götürülərsə, İran nüvə silahının yayılmaması haqqında Müqaviləni imzalaya bilər. Bu barədə İTAR-TASS Agentliyindən AZƏRTAC-a daxil olan xəbərdə bildirilir. Həmid Reza Asəfi həmçinin qeyd etmişdir ki, danışıqları davam etdirmək məsələsində bizim MAQATE və Avropa ilə heç bir problemimiz yoxdur. Bununla əlaqədar biz Avropa ölkələrini narahat edən hər hansı məsələyə yenidən baxmağa hazırıq. Əlbəttə, bu, “birtərəfli yol” olmamalıdır. Əksinə hər iki tərəf yaranmış problemlərdən yaxa qurtarmağa çalışmalıdır.