İqtisadiyyat İnstitutunun əməkdaşları saxta elmi jurnalların tələsinə düşməyəcək
Bakı, 15 fevral, AZƏRTAC
Azərbaycan Milli Elmlər Akademiyasının İqtisadiyyat İnstitutunun elmi əməkdaşları üçün “Clarivate Analytics” agentliyinin “Web of Science” məlumat platformasından istifadənin təkmilləşdirilməsinə dair maarifləndirici seminar keçirilib.
İnstitutdan AZƏRTAC-a bildirilib ki, “Clarivate Analytics” şirkətinin Rusiya bölməsinin elmi informasiya resursları üzrə eksperti, linqvistika üzrə fəlsəfə doktoru Valeriya Kurmakayeva “Web of Science” platformasının axtarış imkanları, beynəlxalq jurnalların tələbləri və ona uyğun məqalə yazmaq, məqalələrin dəqiq xülasəsinin hazırlanması və köməkçi vasitələrdən istifadə qaydalarından danışıb.
Ekspert xaricdə fəaliyyət göstərən saxta elmi jurnallar, onların aşkarlanması və tələsinə düşməməyin yolları barədə geniş məlumat verib.
V.Kurmakayeva “Web of Science” məlumat platformasında tədqiqatçı profilinin yaradılması məsələsinə toxunub və bu cür profillərin peşəkar akademik cəmiyyətə inteqrasiya üçün xüsusi əhəmiyyət kəsb etdiyini və istifadəçilər üçün bir çox imkanlar açdığını vurğulayıb.
Bölmənin digər xəbərləri
