İran XİN: Dini azadlıqlar haqqında ABŞ-ın hazırladığı illik hesabat yalan məlumatlara əsaslanıb
Tehran, 1 may AZƏRTAC.
İranda dini azadlıqlar haqqında ABŞ-ın hazırladığı illik hesabat yalan məlumatlara əsaslanıb və həqiqəti əks etdirmir.
AZƏRTAC xəbər verir ki, bu sözləri İranın Xarici İşlər Nazirliyinin rəsmi nümayəndəsi Abbas Müsəvi deyib.
O bildirib ki, İranda yaşayan yəhudilərin vəziyyətinin pis olması haqqındakı məlumatlar tamamilə yanlışdır. İranın yəhudi icması bütün dini ayinlərini yerinə yetirməkdə sərbəstdirlər. Onların sinaqoqu və parlamentdə nümayəndələri var. Digər dini azlıqlar barəsindəki məlumatlar da qərəzlidir.
A.Müsəvi nəzərə çatdırıb ki, ABŞ bu yolla müstəqil dövlətlərin daxili işlərinə qarışmağa və onları yönəltməyə çalışaraq siyasi maraqlarını güdür. Maraq doğuran məqam ondan ibarətdir ki, digər dini icmalar ABŞ dövlət departamentinin bu hesabatına etiraz etdiyi halda İranda milli dildə məktəbə, kilsəyə və digər üstünlüklərə malik olan erməni icması səsini çıxartmır.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
