İRAQA İQTİSADİ YARDIM PROSESİ SÜRƏTLƏNDİRİLƏCƏK
AZƏRTAC-ın xarici informasiya agentliklərindən aldığı xəbərə görə, ABŞ-ın dövlət katibi Kolin Pauell vəd etmişdir ki, beynəlxalq birliyin İraqa iqtisadi yardım göstərməsi prosesi sürətləndiriləcəkdir. O, İraqa başlanmış səfəri çərçivəsində Bağdadda mətbuat konfransında bu ölkədə maliyyə yardımından təyinatı üzrə və mümkün qədər qısa müddətdə istifadə olunacağını nümayiş etdirmək niyyətində olduğunu bildirmişdir.
Pauell bu yardımın konkret məbləğini və onun İraqa hansı müddətdə daxıl olacağını açıqlamamışdır. Lakin mətbuat konfransında onunla bir yerdə çıxış edən İraq baş nazirinin müavini Bərham Saleh demişdir ki, ABŞ-dan İraqa 9 milyard dollar məbləğində yardım artıq 2004-cü ilin dekabrında köçürüləcəkdir.
Bölmənin digər xəbərləri
