İslamiadada stolüstü tennis üzrə komanda yarışları başlayıb
Bakı, 20 may, B. Vəliyev, X. Nağıyeva, AZƏRTAC
Mayın 20-də “Bakı-2017” IV İslam Həmrəyliyi Oyunlarında stolüstü tennis üzrə qadınlar və kişilər arasında komanda yarışlara başlayıb.
AZƏRTAC xəbər verir ki, qadın və kişi idmançılar mübarizəyə dörddəbir final mərhələsindən başlayıblar.
Azərbaycan yarışda bir kişi və bir qadın komandası ilə təmsil olunur.
Kişilərdən ibarət yığmamızın rəqibi Fələstin millisi oyuna çıxmadığı üçün komandamıza 3:0 hesabı ilə texniki qələbə verilib.
Qadın stolüstü tennisçilərimiz isə birbaşa yarımfinal mərhələsindən mübarizəyə qoşulublar. Millimiz finala vəsiqə uğrunda yarışa birbaşa yarımfinaldan qoşulan Pakistan millisi ilə qarşılaşacaq.
Yarışlar “Sərhədçi” Olimpiya İdman Mərkəzində keçirilir.
Bölmənin digər xəbərləri
