İspaniya mətbuatı Formula 1 pilotlarının Qobustan macərasından yazır
Madrid, 6 may, AZƏRTAC
İspaniyanın “La Vangiuardia” nəşri Formula 1 pilotları Daniel Rikkardo və Maks Ferstappenin Azərbaycan Qran-Prisi keçirilən günlərdə Qobustana gedərək orada avtomobil sürdükləri haqqında məqalə dərc edib və müvafiq videonu yerləşdirib.
AZƏRTAC xəbər verir ki, məqalədə bolidlərin sükanı arxasında görməyə alışdığımız məşhur pilotların bu dəfə Rusiya modelindən olan Lada avtomobilinin sükanı arxasına keçdikləri bildirilir. Qeyd olunur ki, pilotlar yerli sürücülərlə yarışıblar. Bu kiçik yarış UNESCO-nun Dünya İrsi Siyahısına daxil edilmiş Qobustan qoruğunda baş tutub. Vulkanla zəngin olan bu məkan Azərbaycan Qran-Prisinin keçirildiyi Bakı Şəhər Halqasından kəskin seçilir və pilotların buradakı yarışı maraqlı alınıb.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
