İSPANİYADA XIX FRANSA-İSPANİYA ZİRVƏ TOPLANTISI KEÇİRİLMİŞDİR
Fransa prezidenti Jak Şirak, ölkənin xarici işlər, Avropa işləri, müdafiə, nəqliyyat, sənaye və təhsil nazirləri İspaniyaya gəlmişlər. Jak Şirak və İspaniya hökumətinin başçısı Xose Luis Rodriges Sapatero zirvə toplantısının keçirildiyi Katalona vilayətinin kiçik Jerone şəhərində görüşmüşlər. Əlaqələrin inkişaf etdirilməsi, universitetlərinin diplomlarının qarşılıqlı tanınması, gizli immiqrasiyaya qarşı mübarizə, iki ölkə arasında yeni sürət qatarının hərəkəti məsələləri müzakirə olunmuşdur.
Beynəlxalq məsələlər zirvə toplantısının əsas müzakirə obyekti olmuşdur. Prezident və baş nazir Yaxın Şərqdəki münaqişə,Türkiyənin Avropa İttifaqına daxil olması, müdafiə və təhlükəsizlik məsələləri barədə fikir mübadiləsi aparmışlar.
Zirvə toplantısında sülhməramlı qüvvələrin tərkibində Livan və Əfqanstanda yerləşdirlmiş hər iki ölkənin hərbi kontigentinin vəziyyəti, situasiyanın kəskinləşdiyi Konqo Demokratik Respublikasına hərbçilər göndərilməsi barədə İspaniyanın razılıq verməsi kimi məsələlər də müzakirə edilmişdir.
Bölmənin digər xəbərləri
