İSRAİLİN MÜSTƏQİLLİYİ GÜNÜ ŞƏRƏFİNƏ
Azərbaycanın və İsrailin dövlət himnləri səsləndi.
İsrail dövlətinin Bakıdakı fövqəladə və səlahiyyətli səfiri Eytan Naye qəbulda çıxış edərək bildirdi ki, Azərbaycan ilə İsrail arasında dostluq və əməkdaşlıq münasibətləri ölkələrimizin xalqlarının mənafeləri naminə daim inkişaf edəcək, möhkəmlənəcəkdir.
Milli Məclis sədrinin müavini Gövhər Baxşəliyeva Azərbaycan Prezidenti İlham Əliyevin adından qəbul iştirakçılarını İsrailin milli bayramının ildönümü münasibətilə təbrik etdi. O, xüsusi vurğuladı ki, ölkələrimiz arasındakı dostluq münasibətlərinə ümummilli liderimiz Heydər Əliyevin müdrik xarici siyasəti sayəsində təkan verilmişdir. Təsadüfi deyil ki, son illər bütün sahələrdə Azərbaycan-İsrail əlaqələrinin dinamik inkişaf etdiyi müşahidə olunur. G.Baxşəliyeva iki ölkənin parlamentləri – Knesset ilə Milli Məclis arasında sıx əlaqələr yarandığını da nəzərə çarpdırdı.
Rəsmi qəbulda respublika ictimaiyyətinin nümayəndələri, ölkəmizdə akkreditə olunmuş diplomatik nümayəndəliklərin başçıları iştirak edirdilər.
Bölmənin digər xəbərləri
