İsraillə HƏMAS arasında əldə olunmuş atəşkəsin monitorinqini Misir həyata keçirəcək
Qahirə, 21 may, AZƏRTAC
İsrail hökumətinin iclasından sonra Baş nazir Benyamin Netanyahu və HƏMAS liderləri 11 gün davam edən aviasiya və raket hücumlarının dayandırılması barədə qərar qəbul ediblər.
AZƏRTAC xəbər verir ki, mayın 21-də gecə saat 00:04-də qüvvəyə minəcək bu qərarın yerinə yetirilməsi monitorinqini Misir həyata keçirəcək. İsrail hökumətinin bəyanatında qeyd olunub ki, Təl-Əviv Misirin qeyd-şərtsiz atəşkəs elan edilməsi təşəbbüsünü yekdilliklə təsdiq edib.
Atəşkəs qərarının ABŞ və Misir prezidentləri Co Bayden və Əbdülfəttah əl-Sisi arasında danışıqlardan sonra verildiyi bildirilir. Bundan bir gün əvvəl rəsmi Qahirə Ramallahda və Təl-Əvivdə də danışıqlar aparıb.
Münaqişə tərəfi olan HƏMAS liderlərindən biri Usamə Həmdan “Associated Press” agentliyinə müsahibəsində bildirib ki, Misirin vasitəçiliyi ilə irəli sürülmüş atəşkəs təşəbbüsü qəbul edilib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
