İstanbul Universiteti-Cərrahpaşa Türkiyədə istifadə olunan dərs vəsaitlərini Tibb Universitetinə hədiyyə edib
Bakı, 12 dekabr, AZƏRTAC
Son illər Azərbaycan Tibb Universitetinin (ATU) beynəlxalq əlaqələri sürətlə inkişaf etməkdədir. ATU dünyanın bir çox ölkəsinin aparıcı tibb universitetləri ilə qarşılıqlı əməkdaşlıq müqavilələri imzalayıb. Bu universitetlər arasında Türkiyənin ali məktəbləri, o cümlədən İstanbul Universiteti-Cərrahpaşa xüsusi yer tutur.
ATU-nun mətbuat xidmətindən AZƏRTAC-a bildiriblər ki, İstanbul Universiteti-Cərrahpaşanın rektoru, professor Nuri Aydın Qarabağ zəfəri münasibətilə Azərbaycan xalqına öz təbriklərini çatdırıb. O, ATU-da yeni açılmış tibb bacısı ixtisası üçün Türkiyədə istifadə olunan dərs vəsaitlərini Tibb Universitetinə hədiyyə edib. Həmin kitabların tələbələr üçün faydalı olacağına inandığını bildirib.
Qeyd edək ki, bu əməkdaşlığın daha da gücləndirilməsində Azərbaycanın Türkiyədəki səfirliyinin təhsil müşaviri Nəcibə Nəsibovanın da xüsusi əməyi var.
Bölmənin digər xəbərləri
