İstanbul valisi baş vermiş təyyarə qəzası ilə bağlı açıqlama verib
İstanbul, 6 fevral, AZƏRTAC
Sabiha Gökçən hava limanında baş vermiş təyyarə qəzası ilə bağlı İstanbul valisi Ali Yerlikaya son məlumatlarla bağlı açıqlama verib.
AZƏRTAC xəbər verir ki, açıqlamada qəza baş verən andan indiyədək təyyarədə olanların 139-nun İstanbulun 18 müxtəlif xəstəxanalarına yerləşdirildiyi, onların əksəriyyətinin yüngül bədən xəsarətləri aldıqları bildirilir.
Anadolu Baş Prokurorluğu tərəfindən Sabiha Gökçən aeroportunda baş vermiş qəza ilə bağlı araşdırma başladılıb.
Xatırladaq ki, İzmirdən İstanbula uçan sərnişin təyyarəsi Sabiha Gökçən hava limanında sərt eniş edərkən uçuş-enmə zolağından çıxıb və üç hissəyə parçalanıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
