İSTANBULDA “MƏRDƏKAN” PARKI İSTİFADƏYƏ VERİLMİŞDİR
İstanbulda Tuzla bələdiyyəsinin Elviyyə Çələbi məhəlləsində “Mərdəkan” parkı istifadəyə verilmişdir. Bakının Mərdəkan bələdiyyəsindən AZƏRTAC-ın müxbirinə bildirmişlər ki, parkın açılış mərasimində çıxış edənTuzla bələdiyyəsinin başçısı İdris Güllücə Mərdəkanda olarkən burada ötən əsrin əvvəllərində erməni təcavüzkarları ilə mübarizədə həlak olmuş türk əsgərlərinin məzarlarının əhali tərəfindən indiyədək qorunub saxlandığından, “31 mart azərbaycanlıların soyqırımı” günündə şəhid türk əsgərlərinin xatirəsinin də ehtiramla yad edildiyindən məmnun olduğunu bildirmişdir. O, Mərdəkanda tanış olduğu insanlar,tarixi abidələr və görməli yerlərdən danışmış, Mərdəkan bələdiyyəsinin “fəxri qonağı” adına layiq görüldüyünü tədbir iştirakçılarıının diqqətinə çatdırmışdır. Parkın açılış mərasiminin videoyazısı və tədbir zamanı kəsilən qırmızı lent Mərdəkan bələdiyyəsinə göndərilmişdir. Mərdəkan bələdiyyəsinin sədri Hacı Zakir Cəfərov parkın istifadəyə verilməsi münasibətilə İ.Güllücəyə təşəkkür məktubu göndərmişdir.
