İSTEHLAK OLUNMUŞ ELEKTRİK ENERJİSİNİN HAQQI 100 FAİZ ÖDƏNİLMİŞDİR
“Azərenerji” ASC-nin mətbuat xidmətindən AZƏRTAC-a bildirmişlər ki, bu ilin birinci rübündə “Şəmkir regional elektrik təchizatı” (RET) MMC-də 154 milyon kilovat-saat elektrik enerjisi istehlak olunmuşdur ki, bu da ötən ilin müvafiq dövründəkindən 31 milyon kilovat-saat çoxdur. İstehlak olunan elektrik enerjisi haqqının ödənişi isə 86 faizi keçmişdir. Bu da ötən ilin eyni dövrünə nisbətən 36 faiz artım deməkdir.
Şəmkir RET-də ödənişin 100 faiz yerinə yetirilməsinə mart ayında nail olunmuşdur. Əvvəlki ilin müvafiq dövründə bu göstərici 56 faiz təşkil etmişdir.
Hazırda istehlakçıların elektrik enerjisi ilə fasiləsiz təmin olunması üçün Şəmkir, Ağstafa, Qazax, Tovuz, Gədəbəy paylayıcı elektrik şəbəkələrini əhatə edən Şəmkir RET-də təmir-bərpa işləri aparılır.
Bölmənin digər xəbərləri
