İTALİYA TÜRKİYƏNİ AVROPA BİRLİYİNƏ DAXİL OLMAQDA KİPRƏ KÖMƏK ETMƏYƏ ÇAĞIRMIŞDIR
İTAR-TASS-ın AZƏRTAC-a verdiyi məlumatda deyilir ki, İtaliya Türkiyəni Kiprin Avropa Birliyinə daxil olması üçün lazımi şərtləri yerinə yetirməkdə bu ada dövlətinə kömək etməyə çağırmışdır. Bu barədə AB-ya sədrlik edən İtaliyanın xarici işlər naziri Franko Frattini iyulun 15-də bəyan etmişdir. Nazir bildirmişdir ki, Roma “Kipr məsələsinin” həlli üçün Ankaradan hərəkət gözləyir. İndiki şəraitdə 2004-cü ildə Avropa Birliyinə Kiprin yalnız yunanlar yaşayan hissəsi daxil ola bilər. AB-ya yeni üzvlərin, o cümlədən Kiprin daxil olması barədə akt adanın yalnız cənub (yunan) hissəsinə nəzarət edən, dünya birliyi tərəfindən tanınmış Kipr Respublikası tərəfindən imzalanmışdır. Kiprli yunanlarla Şimali Kipr Türk Respublikası arasında BMT-nin himayəsi ilə keçirilən danışıqlar martda dayandırılmışdır. 2004-cü ilin dekabr ayında Avropa Birliyi Türkiyənin AB-ya qəbul edilməsi və yaxud buna yol verilməməsi prosedurunu başlamaq haqqında məsələyə dair qərar qəbul etmək niyyətindədir. Türkiyə 1999-cu ildən AB-ya qəbul üçün namizəddir.
Bölmənin digər xəbərləri
