İtaliyada meşə yanğınları davam edir
Roma, 10 avqust, AZƏRTAC
İtaliyada paytaxt Romanın da yerləşdiyi Latsio bölgəsində, Kalabria bölgəsində və Siciliya adasındakı yanğınları söndürmək üçün təyyarə və helikopterlərdən istifadə olunur.
AZƏRTAC xəbər verir ki, İtaliyanın mülki müdafiə rəsmiləri yanğınsöndürənlərin dünən 5 yanğının nəzarət altına alındığını və qismən söndürüldüyünü açıqlayıblar.
Hazırda İtaliyada 70 yanğının davam etdiyi, bu yanğınların çoxunun diqqətsizlik nəticəsində baş verdiyi bildirilib.
Mülki müdafiə rəsmiləri bu gün və sabah ölkədə gözlənilən anomal istilər səbəbindən mümkün fövqəladə hallarla bağlı gücləndirilmiş rejimdə fəaliyyət göstərəcəklərini vurğulayıblar.
Qeyd edək ki, ölkənin cənubundakı Siciliya və Sardiniyada havanın temperaturunun 45 dərəcəyə yüksələcəyi proqnozlaşdırılır.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
