İTALİYANIN ŞİMALINDA QAR YAĞIB

31.08.2003 [22:54]
Çap et
A⁺ A^-

AZƏRTAC xarici informasiya agentliklərinə istinadla xəbər xerir ki, avqustun 31-də İtaliyanın şimal bölgələrinə yağan güclü qar bundan əvvəlki qasırğanın yaratdığı problemləri daha da çətinləşdirdi. Alp dağları bölgəsində qar örtüyünün hündürlüyü 5 santimetrə çatmışdır. Temperaturun kəskin aşağı düşməsi dağıntılarda işləyən xilasedicilər üçün əlavə problemlər yaratmışdır.

Hakimiyyət orqanları sürücülərə təhlükəsizlik məqsədilə təkərlərə zəncir taxmağı məsləhət görmüşlər. Qar yağması ilə əlaqədar hər il yayın sonunda keçirilən velosiped yarışları da təxirə salınmışlar.

Rəsmi məlumata görə, avqustun 30-da İtaliyanın şimalında tüğyan etmiş qasırğa 1 milyard avro məbləğində ziyan vurmuşdur. Qasırğa nəticəsində 200 yaşayış evi, 1 körpü və mehmanxana dağılmışdır. Aşıb-daşan dağ çayları onlarla kilometr yolu sıradan çıxarmışlar.

Friuli-Venesiya-Culiya və Trentino-Alto-Adice vilayətləri fəlakət zonası elan olunmuşlar.

İTALİYANIN ŞİMALINDA QAR YAĞIB

MÜƏLLİFLƏ ƏLAQƏ

Bölmənin digər xəbərləri